lunes, 28 de enero de 2008
Inmigrazioaren drama: Inmigrazioari dantza
inmigrazioaren inguruan egindako dantza. oso polita iruditu zitzaidan eta zuek ere ikustea nahiko nuke.
Integrazio Planak-->Bidelagun elkartea
BIDELAGUN elkartea, Malerrekan, Urdazubin, Zugarramurdin, eta Baztanen, etorkinak bai linguistikoki, bai kulturalki integratzeko gogoz lanean
BIDELAGUN, Nafarroako Gobernuak legalki onartutako eta irabazi asmorik gabeko landa eremuko elkartea da. 1999ko ekainaren 7an sortu zen Baztanen, Urdazubin, Zugarramurdin, Malerrekan, eta Bidasoan borondatezko gizarte lana sustatzeko xedearekin.
Duela hiru bat urte, Nafarroako ingurune honetan, ia egun batetik bestera, lurralde ez-garatuetako etorkinen fenomenoa agertu zen. Hasieran etorkinen kopurua txikia zen, baina gaur egun, kontuan hartzeko zifren aurrean gaude. Hala, esaterako, Elizondon 3.000 bat biztanle badira, horietatik 200 inguru etorkinak dira; hau da biztanleria osoaren % 6,6. Eta Donezteben, etorkinen kopurua oraindik gehiago hazten da. Herritxo honek 1.200 biztanle ditu gutxi gorabehera, eta horietatik %17 etorkina da.
Errealitate hau ikusirik, eta zeinahi arlotan sortzen ari zen kezkak nahiz jarrerak bultzaturik, Bidelagun elkartekoek, gai hau ere lantzea erabaki zuten.
Gai honi loturik, lehen lanetako bat bezala, Malerrekako, Bortzirietako, eta Baztango Udaletako euskara teknikariek hainbat hizkuntzetan etorkinei begirako liburuxka informatibo bat kaleratzea erabaki zuten, eta horretan Bidelagunek ere parte hartu zuen. Liburuxka honetan, ingurune honetako lanbideak, lanarekin zerikusia duten eta beraiei interesgarri gerta dakizkien datu interesgarriak, euskararen presentzia nahiz garrantzia beraien integrazioari begira, eskolek eskaintzen dituzten ikasketa ereduak, telefono interesgarriak, eskualde nahiz herriko (Doneztebekoa, Elizondokoa, eta Berakoa) mapa bat eta datu geo-demografikoak, oinarrizko hiztegitxo bat hamar hizkuntza desberdinetan, eta abar azaltzen dira. Liburuxka hauek, herriko gizarte zerbitzu denetan daude zabalduta, eta hala, etorkina herrira helduz batera, informazio hau luzatzen zaio.
Hala ere, argi zuten, etorkinen integrazioari begira, hau ez zela nahikoa, eta orduan, beraiekin biltzea, elkar ezagutzea, eta beren kezkak entzutea izan zen emandako lehen pausua. Lehen bilera 2003ko udazkenean egin zen, eta ordutik hona, hilero burutu dira. Bilera bakoitzean gai bat lantzen da etorkinekin. Horietako bilera batean hezkuntza arloa landu zen. Gaur egun, Nafarroako ingurune honetako umeen % 90 D ereduan matrikulatua dago. Hasiera batean, haur etorkinen gehiengoa A ereduan matrikulatzen zen, baina ikusirik haur etorkinen matrikulazio tasa urtetik urtera nabarmen igotzen ari zela, irizpide batzuen beharra markatzea ezinbestekotzat jo zen. Guraso etorkinak errealitate honetaz jabeturik, bilera hartan, beraien seme-alabak D ereduan matrikulatuak izatea nahi zutela aldarrikatu zuten, umeak herrian integratzeko ezinbestekotzat jotzen baitzuten euskara jakitea. Bidelagun elkarteak, guraso horien kezkarekin bat datorrenez, gai horri heltzeko eta bide hori jorratzeko konpromisoa bereganatzen du.
Hala, beste gauza batzuren artean, Baztango Herrietako Eskolak, Elizondoko San Frantzisko Xabier Ikastetxe Publikoa, eta Baztan Ikastola lanean jarri ziren, eta zentruotako kultura guztiak curriculumeko ikasgai denetan hilabetez lantzea erabaki zuten. Epe horretan, esaterako musika ikasgaian, hainbat lurraldetako kantu, musika tresna, talde… ezagutu eta aztertu zituzten; geografian, ikastetxeko lurralde guztiak mapan kokatzen eta berauen ezaugarri geografiko nagusiak nahiz hiri nagusiak non aurkitzen diren ikasi zuten; gaztelerako klasean, Hego Ameriketako gaztelera eta Espainiakoa aurrez aurre jarri zituzten; eta horrela, beste ikasgai guztietan ere.
Emaitza guztiz positiboak lortu ziren, eta arrazoi hori dela bide, hainbat herritan, hilabete kulturarteko horretan burututako materialen erakusketa bat egitea erabaki zen.
Integrazio Planak-->Azpeitia
Azpeitiko Udala etorkinen artean euskara sustatzen
Etorkinen gero eta etorrera handiagoaz kezkaturik, hauen integrazioa herrian bideratzeko eta elkarbizitza positiboari ateak irekitzeko gogoz, Azpeitiko udalerriak etorkinak euskalduntzeko bideak zabaltzen hastea erabaki zuen iaz.
Argi zeukaten, Azpeitia bezalako herri euskaldun batetan, etorkinen benetako integrazioa lortu nahi bazen, hauek euskara ikastea ezinbestekoa zela. Hala bada, Azpeitiko AEKn eta udal euskaltegian, euskara ikasteko gogoz zeuden etorkin talde bana eratu eta, herrian erroldatzen diren etorkin guztiei eta herriko festetan nahiz azoka egunetan bertaratzen ziren atzerritarrei, Azpeitiko euskara-euskara batua-gaztelera-ingelera-frantsesa eta arabierako oinarrizko hiztegi bat luzatzen hasi ziren.
Iaz 500 aleko tirada atera zuten, baina banaketa kaxkarra eta ondoko herriek hiztegitxo honekiko erakutsi duten interesa bide, aurten beste tirada bat kaleratu dute.
Etorkinen gero eta etorrera handiagoaz kezkaturik, hauen integrazioa herrian bideratzeko eta elkarbizitza positiboari ateak irekitzeko gogoz, Azpeitiko udalerriak etorkinak euskalduntzeko bideak zabaltzen hastea erabaki zuen iaz.
Argi zeukaten, Azpeitia bezalako herri euskaldun batetan, etorkinen benetako integrazioa lortu nahi bazen, hauek euskara ikastea ezinbestekoa zela. Hala bada, Azpeitiko AEKn eta udal euskaltegian, euskara ikasteko gogoz zeuden etorkin talde bana eratu eta, herrian erroldatzen diren etorkin guztiei eta herriko festetan nahiz azoka egunetan bertaratzen ziren atzerritarrei, Azpeitiko euskara-euskara batua-gaztelera-ingelera-frantsesa eta arabierako oinarrizko hiztegi bat luzatzen hasi ziren.
Iaz 500 aleko tirada atera zuten, baina banaketa kaxkarra eta ondoko herriek hiztegitxo honekiko erakutsi duten interesa bide, aurten beste tirada bat kaleratu dute.
Guraso elkarteen konfederazioa
Guraso Elkarteen Konfederazioa haur, gazte, eta heldu etorkin nahiz bertokoekin, euskara lantzen.
Guraso Elkarteen Konfederazioa osotzen duten hiru elkarteak (BIGE, BAIKARA eta DENON ESKOLA), etorkinen integrazio linguistikoari eta kulturalari begira lan bikaina burutzen ari dira.
Konfederazio honek, eskola orduetatik kanpoko orduei begira lan egiten du goiz, eguerdi, nahiz arratsaldetan, bai haur, bai gazte, bai eta hauen gurasoekin. Aktibitate hauetan bertokoek zein etorkinek parte hartzen dute. Hainbat azpi-helburu eta aktibitate mota dituzte EAEn etorkinen integrazio positiboa bideratzeko, eta horietako batzuk hizkuntza normalkuntzari begira daude. Hala, era ludiko batean, euskara errefortzuak eskaintzen dizkiete haur eta gazte etorkinei, hainbat aktibitate (jolasak, kirolak, eskulanak…) euskara hutsean lantzen dituzte, gurasoentzako euskara ikasteko ikastaroak eskaintzen dituzte, eta abar. Eta hori guztia, egoera ekonomiko kaxkarra dutenentzat, dohainik izaten da.
Orain arte euskararen irakaskuntzan izan duten esperientziaren arabera, argi daukate, etorkinek euskara ahalik eta azkarren ikasteko, ezinbestekoa dela eskola orduetatik kanpora haur eta gazte hauek euskaraz bizitzea, eta horretarako, erarik egokiena, modu ludikoa dela deritzote.
Guraso Elkarteen Konfederazioa osotzen duten hiru elkarteak (BIGE, BAIKARA eta DENON ESKOLA), etorkinen integrazio linguistikoari eta kulturalari begira lan bikaina burutzen ari dira.
Konfederazio honek, eskola orduetatik kanpoko orduei begira lan egiten du goiz, eguerdi, nahiz arratsaldetan, bai haur, bai gazte, bai eta hauen gurasoekin. Aktibitate hauetan bertokoek zein etorkinek parte hartzen dute. Hainbat azpi-helburu eta aktibitate mota dituzte EAEn etorkinen integrazio positiboa bideratzeko, eta horietako batzuk hizkuntza normalkuntzari begira daude. Hala, era ludiko batean, euskara errefortzuak eskaintzen dizkiete haur eta gazte etorkinei, hainbat aktibitate (jolasak, kirolak, eskulanak…) euskara hutsean lantzen dituzte, gurasoentzako euskara ikasteko ikastaroak eskaintzen dituzte, eta abar. Eta hori guztia, egoera ekonomiko kaxkarra dutenentzat, dohainik izaten da.
Orain arte euskararen irakaskuntzan izan duten esperientziaren arabera, argi daukate, etorkinek euskara ahalik eta azkarren ikasteko, ezinbestekoa dela eskola orduetatik kanpora haur eta gazte hauek euskaraz bizitzea, eta horretarako, erarik egokiena, modu ludikoa dela deritzote.
integrazio Planak-->Eibar, Bergara, Zumarraga-Urretxun
Mota bereko proiektua Eibarreko AEKn ere martxan egon da, 2003-2004 ikasturtean. Berton, Eibarreko hainbat ikastetxetako umeak egon dira jolasen bidez euskara ikasten.
Antzeko ildotik doazen beste bi proiektu, Zumarraga-Urretxun eta Bergaran aurki genitzake. Kasuotan, euskara hutsean lantzen diren aisialdi proiektuen aurrean gaude. Aisialdi proiektu hauetan adin desberdinetako haur eta gazte etorkinek parte hartzen dute. Herriko zeinahi ikastetxetako ume etorkinek parte har dezake. Euskara burutzen dituzten aktibitate guztietarako erabiltzeaz gain, arduradunek euskal kultura eta Euskal Herria erakusteko ere aprobetxatzen dituzte ordu hauek. Orain arte, bi herriotan esperientzia hau oso positibotzat jo da.
Antzeko ildotik doazen beste bi proiektu, Zumarraga-Urretxun eta Bergaran aurki genitzake. Kasuotan, euskara hutsean lantzen diren aisialdi proiektuen aurrean gaude. Aisialdi proiektu hauetan adin desberdinetako haur eta gazte etorkinek parte hartzen dute. Herriko zeinahi ikastetxetako ume etorkinek parte har dezake. Euskara burutzen dituzten aktibitate guztietarako erabiltzeaz gain, arduradunek euskal kultura eta Euskal Herria erakusteko ere aprobetxatzen dituzte ordu hauek. Orain arte, bi herriotan esperientzia hau oso positibotzat jo da.
Integrazio Planak-->Soraluze
Soraluzeko udala eta AEK haur etorkinak euskalduntzen plana:
Azken urteotan Soraluzera hainbat etorkin atzerritar etorri dira, gehienak ekuatoriarrak. Hauen seme-alabak bertako ikastetxe publikora joaten dira. Ikastetxe honetan D ereduan baino ez dira klaseak ematen.
Haur etorkin hauetako asko ikasle berantiarrak direla kontuan izanik, eta beraientzat bai jauzi kulturala bai eta linguistikoa oso handiak direla, Soraluzeko Udala, Euskara Batzordea, AEK, eta herriko ikastetxeko ordezkariak elkarrekin bildu eta errealitate horri nola eman erantzun egoki bat pentsatzen hasi ziren.
Denak ados zeuden, arazorik handiena, ume nahiz gazte etorkin hauei ahalik eta lasterren euskara nola irakatsi zela, horrek baino ez baitzuen bideratuko ume hauen benetako integrazioa (bai linguistikoa, bai eta kulturala) Soraluzen.
Hala bada, hainbat bileraren ostean, eskola orduetatik kanpora, AEK bidez, ikasle etorkin hauei dohaineko euskara errefortzuak eskaintzea erabaki zen. Hala ere, lehenengo urtean (2002-2003) jabetuko dira, ohiko euskara klaseekin, nahiz eta umeek euskara ikasi, euskararekiko jarrera negatiboa hartzen zutela, alde guztietatik (eskola, udala…) nolabaiteko "presioa" baitzuten klase horietara joateko aisialdi denboran. Hala bada, 2003-2004 ikasturterako, eskola orduetatik kanpoko errefortzu linguistiko hauek ludikoago bihurtzea erabaki zuten eta emaitzak, guztiz aldatu ziren. Horrela, umeak klaseetara oso gustura joateaz gain, euskara azkarrago ikasten zuten.
Aurtengo ikasturtean bi talde izan dituzte. Batetik 8-12 urte bitarteko umeak, eta bestetik 12-16 urte bitartekoak. Lehenengoak, astean hiru aldiz joaten ziren klasera, eta besteak bitan. Klaseak ordu t’erdikoak dira, eta beraietan kontuan hartzen dira ikasleen interes propioak (internet, kirolak praktikatu, jolasak…).
Azken urteotan Soraluzera hainbat etorkin atzerritar etorri dira, gehienak ekuatoriarrak. Hauen seme-alabak bertako ikastetxe publikora joaten dira. Ikastetxe honetan D ereduan baino ez dira klaseak ematen.
Haur etorkin hauetako asko ikasle berantiarrak direla kontuan izanik, eta beraientzat bai jauzi kulturala bai eta linguistikoa oso handiak direla, Soraluzeko Udala, Euskara Batzordea, AEK, eta herriko ikastetxeko ordezkariak elkarrekin bildu eta errealitate horri nola eman erantzun egoki bat pentsatzen hasi ziren.
Denak ados zeuden, arazorik handiena, ume nahiz gazte etorkin hauei ahalik eta lasterren euskara nola irakatsi zela, horrek baino ez baitzuen bideratuko ume hauen benetako integrazioa (bai linguistikoa, bai eta kulturala) Soraluzen.
Hala bada, hainbat bileraren ostean, eskola orduetatik kanpora, AEK bidez, ikasle etorkin hauei dohaineko euskara errefortzuak eskaintzea erabaki zen. Hala ere, lehenengo urtean (2002-2003) jabetuko dira, ohiko euskara klaseekin, nahiz eta umeek euskara ikasi, euskararekiko jarrera negatiboa hartzen zutela, alde guztietatik (eskola, udala…) nolabaiteko "presioa" baitzuten klase horietara joateko aisialdi denboran. Hala bada, 2003-2004 ikasturterako, eskola orduetatik kanpoko errefortzu linguistiko hauek ludikoago bihurtzea erabaki zuten eta emaitzak, guztiz aldatu ziren. Horrela, umeak klaseetara oso gustura joateaz gain, euskara azkarrago ikasten zuten.
Aurtengo ikasturtean bi talde izan dituzte. Batetik 8-12 urte bitarteko umeak, eta bestetik 12-16 urte bitartekoak. Lehenengoak, astean hiru aldiz joaten ziren klasera, eta besteak bitan. Klaseak ordu t’erdikoak dira, eta beraietan kontuan hartzen dira ikasleen interes propioak (internet, kirolak praktikatu, jolasak…).
Suscribirse a:
Entradas (Atom)
